Völd forseta Grikklands vegna kosninga í Egyptalandi

Fréttin fjallar um forsetakosningar í Egyptalandi þannig að ég skil ekki afhverju ,,Skilgreina þarf hlutverk forseta Grikklands; í hverju völd hans eigi að felast og hversu mikil þau eigi að vera.” eins og stendur í fréttinni. – Einnig finnst mér furðulegt að fyrrverandi forsætisráðherra í ríkisstjórn Hosni Mubaraks Egyptalandsforseta, hét því í dag að endurvekja byltinguna í landinu síðan  í fyrra, sem hann sagði að var stolið frá þeim. Byltingin var gerð til að losna við Hosni, sem hann studdi. Einnig merkilegt að hann virðist vera á móti lýðræðislegum kosningum.

Vill endurvekja egypsku byltinguna

Þjóðfáni á hvolf er neyðarmerki

Landsbankafáninn er auðvitað ekki þjóðfáni, en spurning vaknar hvað það táknar þegar honum er flaggað á hvolf og í hálfa stöng. Ef hálfa stöngin táknar andlát þá er auðvitað of seint að koma bankanum til bjargar.

Flaggað í hálfa stöng í Súðavík

Siðareglur Democratic Allicance í Suður Afríku

Fyrir nokkrum árum tók ég þátt í kosningabaráttu Democratic Alliance í Suður Afríku. Mér þótti merkilegt að frambjóðendur eiga að undirrita siðarreglur og ef þeir eru kosnir, t.d. á þing, og brjóta reglurnar þá er málið tekið fyrir hjá siðarnefnd. Afleiðingin getur verið sú að þeir eru reknir úr flokknum, sem þýðir að þeir missa einnig þingsætið vegna þess að þeir eru fulltrúar flokksins. Þessar siðarreglur er einn helsti styrkleiki flokksins gagnvart ANC, sem þykir mjög spilltur. Þegar ég ræddi við nokkra íbúa um stjórnmál, án þess að þeir vissu að ég tengdist DA, kváðust þeir allir styðja flokkinn vegna þess að hann er áreiðanlegur og vel skipulagður. Hérlendis eru þingmenn aðeins bundnir af sannfæringu sína. Þess vegna geta þingmenn hætt í stjórnmálaflokki, þótt að félagar í honum hafa lagt mikla vinnu í að koma þeim á þing. Einnig geta þeir haldið áfram á þingi þótt að þeir hafi brotið siðferðislega af sér t.d. með óheiðarleika. Rætt er um að kjósendur munu ekki kjósa þá í næstu kosningum, en vandinn er sá að margir kjósendur hafa þá gleymt siðferðisbrotunum.

Falið að klára siðareglur

Hann ætti að uppfæra gamlann texta

Fyrir mörgum árum samdi Bubbi lagið: ,,Ekki benda á mig sagði varðstjórinn”. Eftir að hafa fylgst með Landsdóminum tel ég að hann ætti að uppfæra lagið: ,,Ekki benda á mig sagði valdhafinn”.

Þorparinn Bubbi

Ég sá einnig Álfheiði steyta hnefa á lofti í glerganginum

Ég sá Álfheiði steyta hnefa á lofti í glerganginum þegar einna mestu lætin voru. Mig minnir að það hafi verið í fréttum að þegar búsáhaldabyltingin var, þá gagnrýndi þingmaður VG (Steingrímur J. og/eða Atli) að lögreglan fékk að borða í Alþingishúsinu, en þeir þurftu að standa mjög langar og erfiðar vaktir við að verja vinnustað þeirra. Mér finnst að eftirlitsnefnd Alþingis ætti að taka til rannsóknar hegðun þingmanna m.a. með því að kalla aðra þingmenn og lögreglumenn fyrir nefndina og fá botn í þetta mál.

Brosti og hvatti fólk áfram

Martin Luther var talinn gyðingahatari

Kemur ekki á óvart vegna þess að Hallgrímur var mótmælatrúar, en Martin Luther var talinn gyðingahatur, sbr. rit hans; ,,Von den Jüden und jren Lügen“.

http://en.wikipedia.org/wiki/On_the_Jews_and_Their_Lies#Evolution_of_his_views 

Vegna þess að Jesús var gyðingur vaknar spurning hvort mótmælendur hata þann sem þeir trúa á?

 

Þegar ég var í barnaskóla var ein af kennslubókunum ,,Bíblíusögur fyrir barnaskóla“. Þar stendur m.a. í kaflanum: Hugmyndir Gyðinga, - fyrirætlanir Guðs - ,, Ísraelsmenn sýndu oft mikillæti bæði í ættjarðarást sinni og guðsdýrkun. Þeir álitu, að Guð blessaði þá eina, og gerðu sér háar hugmyndir um þá tíma, er Ísrael fengi öll yfirráð í heiminum og allar aðrar þjóðir yrðu þjónar þeirra, yfirþjóðarinnar.” Seinna stendur: ,,En þetta var ekki rétt, því að kærleikur Guðs náði til allra þjóða jafnt.” Með öðrum orðum lærðum við að gyðingar hafa rangt fyrir sér! Ég veit ekki hvort nemendur, sem voru gyðingar, hafa orðið fyrir einelti vegna þessa. Bókin var gefin út 1965 og í seinni útgáfum var ofangreint leiðrétt. Þótt að þetta er gömul bók þá er alltaf hætta á að svona áróður komi fyrir aftur. Mér finnst rétt að kenna um sérkenni hverra trúarbragða og það sem er sameignilegt með þeim, m.a. hina gullnu reglu. Sjá nánar um hana:

http://en.wikipedia.org/wiki/The_Golden_Rule

Mótmælir lestri Passíusálmanna

Um innri samkeppni í Evrópu og Kína áður fyrr

Á miðöldum var Kína öflugasta ríki veraldar m.a. vegna nýsköpunar á meðan Evrópa var í lægð. Síðan tók Evrópa fram úr Kína m.a. vegna samkeppni á milli Evrópuríkja, en í Kína var þá miðstýring á héruðum. Núna ræður ESB Evrópu með vaxandi völdum og miðstýringu, sem dregur úr samkeppni á milli einstaka ríkja. Kannski er það einn aðalvandi ESB í dag. 

Tólf ríki Evrópusambandsins í hættu

Sýning Vísindakirkjunnar m.a. um lyfjanotkun stjarna

Vísindakirkjan hefur gagnrýnt geðlækningar, m.a. notkun geðlyfja og telur sig vera með réttu lausnina. Mér skilst að kjarninn í trú eða hugmyndafræði þeirra er að hjálpa fólki að greina eitthvað atvik í lífi þeirra, sem hefur haft neikvæð áhrif á líf þeirra seinna. Virðist eiga skylt við bældar minningar sem mikið hefur verið rætt um hérlendis. Hér er vefur sýningar hennar um geðlækningar, m.a. áhugavert myndband um sögu hennar, m.a. um hve margar stjörnur hafa látist vegna geðlyfjanotkunar. Sýningin var gerð áður en sá fjöldi stjarna hefur látist sem eru nefndir í fréttinni því miður. Ég veit að meðferð geðsjúklinga áður fyrr var mjög slæm þannig að ég sá ekkert rangt í sýninguna þegar ég sá hana í Los Angeles. Þótt að ég hafi mikinn áhuga á trúarbrögðum finnst mér rétt að taka fram að ég er ekki í Vísindakirkjunni og veit persónulega um tilvik þar sem geðlyf hafa veitt einstaklingum betra líf.  Myndbandið er í nokkrum pörtum, hvert um 7 mínútur og þarf að smella á Continue hægra megin fyrir neðan.

 http://www.cchr.org/museum.html%23/museum/intro#/museum/intro

 

Sláandi myndir af hótelherbergi Whitney Houston

Mjög gott mál

Kínverjar hafa ávallt reynst okkur vinarþjóð ólíkt t.d. Bretum sem hafa beitt okkur ofbeldi í þorskastríðum og sett okkur á lista yfir hryðjuverkasamtök. Margir telja að Kína mun verða aðalstórveldið á þessari öld á meðan ESB og BNA eru á niðurleið og er þess vegna gott að Kína vil eiga góð samskipti við okkur. Talið er að bráðum verða kínverjar flestir ferðamenn í heiminum og getur efnahagur Ísland notið góðs af því. Bæði Kína og Ísland eru mjög falleg en ólík lönd.

Kínverjar vilja nálgast Ísland

Ég hef sjálfur verið nauðgur í bifreið

Árið 2008 pantaði ég leigubifreið í Boston. Skömmu eftir að akstur hófst rétti leigubílstjórinn mér áfengisflösku, sem kom mér á óvart og afþakkaði. Þá trylltist hann og ók á ofsahraða á móti einstefnu, tvisvar á móti rauðu ljósi og rásaði m.a. meðfram sjó. Ég var skelfingulostinn þegar ég gerði mér grein fyrir að hann var ölvaður og hugleiddi hvernig ég kæmist úr bifreiðina eða í hvaða stellingu ég ætti að vera ef ég sæi fram á árekstur eða bifreiðin lenti í sjónum. Ég sat í aftursætinu og var gegnsær veggur á milli míns og bílstjórans, þannig að ég gat ekki beitt afli til þess að stöðva aksturinn. Ég gaf honum mjög hvassa skipun um að stoppa sem hann gerði, henti nokkrum seðlum til hans og hljóp út. Ég varð að taka annan leigubíl vegna þess að ég var að flýta mig út á flugvöll og áður kannaði ég hvort ökumaðurinn virtist ódrukkinn. Á leiðinni lét ég lögregluna vita, sem sagði mér að láta einnig leigubílstöðina vita sem ég gerði. Á flugvellinum náði ég tali af lögreglumanni og skýrði honum frá hinum ölvaða leigubílstjóra. Ég hef ferðast um mörg hættuleg lönd en aldrei orðið jafn hræddur og þennan dag í Boston.

Nauðugur farþegi í bílnum